MATUMLA BAADA YA UPASUAJI WA KICHWA KUKAA NJE MWAKA NZIMA

Mohamedi Matumla akitazamana na bondia kutoka china Wang Xin Hua

BONDIA WA NGUMI ZA KULIPWA MOHAMMED MATUMLA ANALAZIMIKA KUKAA NJE YA ULINGO KWA MUDA WA MWAKA MMOJA BAADA YA KUFANYIWA UPASUAJI MKUBWA WA KICHWA KUFUATIA JERAHA ALILOLIPATA WAKATI WA PAMBANO LAKE DHIDI YA MFAUME MFAUME LILILOFANYIKA MWISHONI MWA WIKI KATIKA UWANJA WA NDANI WA TAIFA.

AKIZUNGUMZA JIJINI DAR ES SALAAM LEO KAIMU MKURUGENZI MTENDAJI WA TAASISI YA TIBA YA MIFUPA MUHIMBILI–MOI DOKTA OTHMAN KILOLOMA AMESEMA BONDIA HUYO AMBAYE ALIFIKISHWA HOSPITALINI HAPO JANA AKIWA HALI YA KUPOTEZA FAHAMU NA KUMBUKUMBU NA BAADA YA VIPIMO ILIBAINIKA KUWA AMEPATA JERAHA AMBALO LIMEPELEKA DAMU KUVILIA KWENYE UBONGO NA KUSABABISHA MGANDAMIZO KWENYE UBONGO UPANDE WA KULIA HIVYO KUHITAJI UPASUAJI WA HARAKA NA DHARURA.

AMESEMA UPASUAJI HUO ULIFANYIKA KWA MAFANIKIO KWA KWA MUDA WA MASAA MATATU CHINI YA MADAKTARI WAZALENDO WATANO NA KUONGEZA KUWA BONDIA HUYO ANAWEZA KUREJEA KATIKA SHUGHULI ZAKE ZA MASUMBWI KATIKA KIPINDI CHA MIEZI NANE HADI 12 BAADA YA KUPATA KIBALI CHA DAKTARI HUKU BONDIA MFAUME MFAUME AKIMTAKIA AFYA NJEMA ILI AWEZE KUREJEA KATIKA HALI YAKE YA KAWAIDA.